CEBU, Philippines — Gipasidunggan ang usa ka taxi drayber sa kagamhanan sa Dakbayan sa Naga human miuli og kwarta sa iyang pasahero.
Si Jeorge Alano drayber sa Ken Taxi kinsa residente sa Langtad, Naga City ,midawat sa pasidungog niadtong Biyernes sa konseho sa Syudad.
Si Alano nga namasahero sa niadtong miaging adlaw nakakita og P19 mil nga salapi diha sa iyang gimaneho nga taxi.
Iyang nahibaw-an nga gikan kadto sa iyang pasahero nga naila nga si Alvin Lucenos nga ninaog didto sa Pardo, Cebu City.
Nahibaw-an nga gitagana ni Lucenos ang salapi alang sa pagbunyag sa iyang anak.
Dakong kalipay ni Lucenos nga aduna pa gyud matinud-anong tawo sa kalibutan bisan paman sa sitwasyon karon sa panginabuhi.
Nahibaw-an sab nga dili lang diay kini makausa ka higayon nga nakapunit og kwarta si Alano.
Gumikan kay dihang nagmaneho usab siya og taxi didto sa kaulohan nakakita sab siya og P1 milyon nga salapi nga iya rasab nga giuli ngadto sa tag-iya. /MEL (BANATNEWS)