CEBU, Philippines — Pakigkitaan pa ni Talisay Mayor Gerald Anthony “Samsam” Gullas Jr. ang iyang mga sakop lakip na ang City Inter-Agency Task Force (City- IATF) kung ang kalihukan sa kalag-kalag tugotan ba nila.
Matud pa niya nga dili una siya motingog labot niana kung dili pa siya makaestorya sa mga opisyales sa barangay nga nahimutang ang menteryo.
Una niini, ang kaulohan nidesisyon na nga dili pasudlan ang mga sam-ang panahon sa kalag-kalag samtang padayon pa nakigkumbati sa pandemiya sa COVID-19.
Sa pagkakaron ang Dakbayan sa Talisay gipaubos sa Modified General Community Quarantine (MGCQ).
Sigon pa ni Gullas nga naandan na gyud sa tanan nga mobisita sa mga minahal sa kinabuhi nga mitaliwan na maong dako iyang pagtuo nga modagsa gyud ang mga tawo sa mga sam-ang aron moduaw ug managkot.
Ang Syudad adunay lima ka sam-ang nga naa sa barangay Poblacion, Cansojong, Tanke, San Roque ug Mohon. /IBM (BANATNEWS)