CEBU, Philippines — Dunay giumol nga guidelines labot sa pagpahigayon og haya aron masiguro nga matuman ang health protocols ug malikayan ang COVID-19.
Matud ni Konsehal Joel Garganera, Deputy Chief Implementer of Inter-Agency Task Force (IATF) Emergency Operations Center (EOC) Cebu City nga niadtong Biyernes nipahigayon sila og zoom meeting tali sa Department of Health Central Visayas, Vicente Sotto Memorial Medical Center, mga doktor sa Cebu City Government.
Subay niini moumol sila og guidelines labot sa pagpahigayon og haya human sa nahitabong insidente sa usa sa mga barangay sa South District diin gihaya ang minatay apan nahibaw-an nga positibo diay kini sa COVID-19.
“Karon gani ila ng giimbistigar og ngano man na-release to nga wala paman magawas ang resulta sa swab sa PCR test so right now we are on in fact ako sad ni gi-brought-up didto sa Regional IATF nagkahiusa mi nga if a person is a PUI or PUM and he is subject to a swab test we will treat him or that person nga namatay as a COVID case, as the saying goes it`s better to be safe than be sorry”, sigon ni Konsehal Garganera.
Giuyonan usab ni Dr.Mary Jean Loreche sa Department of Health-VII’ ang desisyon nga nakab-ot sa EOC ingon man RIATF kabahin sa mga PUIs and PUMs nga mamatay nga wala ang resulta sa covid test..
“I agree with that.It has to be our mindset that everyone has Covid unless proven otherwise,” said Dr. Loreche.
Sa nasayran base sa guidelines sa DOHkadtong mamatay sa covid-19 I cremate gilayon suds a dose oras ug ang pamilya sa namatay ang dili tugtan nga makatambong alang usab sa ilang kaluwasan..
“Bisan pa ang resulta sa iyahang death is non-COVID but we will discourage man gud especially densely populated area nga dako kaayo ang risgo, just imagine sa nahitabo sa Cogon, you’re talking about 57 ka tawo nga atong gi-contact trace nga gi-swab and these are initial pa ni, our contact tracing team naa didto ron, just imagine unsa ka dako nga dili lang kay tulubagon, trabahuon so we will come with that aron incidents like this will be avoided”, dugang ni Garganera. /MEL (BANATNEWS)