Batan-on nga nakit-ang patay sa Danao wa pa mailhi

Romeo T. Limpangog (Banat) - September 2, 2020 - 12:00am

CEBU, Philippines — Pabilin pa gihapon nga wala mailhi sa kapolisan ang  patay’ng  lawas sa usa  ka batan-ong lalaki nga napalgan niadtong sa Agosto 28, 2020 sa kasagbutan duol sa sapa sa Sitio Cogon, Barangay Maslog,  Dakbayan  sa Danao.

Nunot  niini si Police Staff Sergeant Allan Virtucio sa Danao City Police Station miingon nga hangtod sa katapusang adlaw sa Agosto niining tuiga walay mga tagtungod o  sakop sa pamilya nga mibisita  sa ilang buhatan alang sa pag-ila sa patayng lawas.

Matud pa ni Virtucio nga nagduda sila nga dili molopyo sa maong  dapit ang biktima ug gilabay lang kini sa mga mamumuno.

Subay niini nanawagan ang kapolisan ngadto sa publiko sa pagtahu sa ilang buhatan kun dunay  sakop sa pamilya nga wala mahiuli hangtod niining mga panahona.

Base sa ilang imbestigasyon ang maong batan-on nga lalaki gibanabana nga nagpanuigon kini og 15 ngadto sa 17  anyos ug duna kini mga bun-og sa bukton ug gagmay nga mga samad sa kalawasan.

Gitataw usab niya nga walay  laing nakitang  samad sa lawas  nga mahimong timailhan nga kini gidunggab hangtud nga namtay.

Sa pagkakaron padayon pa nga naghipos og kasayuran ang kapolisan sa Danao sa posibleng hinungdan sa kamatayon sa biktima.

Gipaabot pa usab nila ang dugang kasayuran gikan sa buhatan  sa  Scene of the Crime Operatives  (SOCO) nga maoy nagsuta sa hinungdan sa kamatayon sa maong batan-on. /MEL (BANATNEWS)

DANAO
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with