COVID-19 update Dul-an na 12 mil ang naayo sa CV
CEBU, Philippines — Dul-an na sa 12mil na ang naka-recover gikan sa novel coronavirus disease sa Central Visayas sumala pa sa Department of Health niadtong Agosto 11, 2020.
Giingong 11, 948 na ang natalang naayo human kini nadugangan og 64 lukop rehiyon.
Nadugangan usab og 75 ang bag-ong kaso hinungdan nga anaa sa 4, 416 ang aktibo nga kaso gikan sa 17, 375 nga cumulative total.
Sa mga bag-ong kaso, 23 niini ang natala gikan sa Cebu City niadtong adlawa, 10 sa Mandaue City, 11 sa Lapu-Lapu City, 18 sa Probinsya sa Sugbo, lima sa Talisay, pito sa Minglanilla, ug usa sa Consolacion.
Sa mga aktibo nga kaso,1, 237 ang anaa sa tambalanan samtang 3, 179 usab ang sa isolation facilities.
Ang namatay nisaka sab sa 1, 011 human nga dunay duha nga nadugang nianang adlawa. —/IBM (BANAT NEWS)
- Latest
