11-anyos pagan sa buy-bust
Sheriza Mae R. Uy (Banat) - August 9, 2020 - 12:00am

CEBU, Philippines — Nadala sa tambalanan ang 11-anyos nga lalaki human naangol sa nahitabong operasyon sa Cebu Provincial Police Office (CPPO) Provincial Intelligence Unit sa Sitio Common, Maslog, Dakbayan sa Danao.

Giila ang subject sa operasyon nga si Elfred John Tan, 21, nagpuyo sa maong lugar ug ang kauban niini nga nakadagan nga si Frank Vincent Aguilar.

Matud ni CPPO-PIU chief, Police Lieutenant Colonel Randy Korret, nga nagpahigayon sila og surveillance kang Tan sa pagpamaligya og ilegal nga drugas sa ilang lugar.

Atol sa buy-bust operation nakabantay ang subject  ug nibunot og armas si Aguilar dayun gitukmod si Tan hinungdan nga nadakpan dayon nagpabuto.

Dugang pa ni Korret nga gukdon unta nila si Aguilar apan wala na nila naapsi ug nakit-an nalang nila ang 11-anyos nga lalaki nga naghilak ug nagping-it sa kasakit kay natapsingan sa bala nga giingong gikan sa armas ni Aguilar samtang nagduwa ra unta sa gawas. 

Dali nga gidala sa tambalanan ang bata gumikan sa samad pinusilan sa iyang bukton.

Gihulagway ni CPPO director, Police Colonel Rhoderick Mariano, nga dakung drug personality sa Dakbayan sa Danao si Tan ug Aguilar kinsa giilang high-value individual sa station level.

Samtang matud ni Mariano nga motabang sila sa pagbayad sa hospital bills sa bata.

Gimanduan sab niya ang kapolisan sa probinsiya nga kanunay mag-amping aron malikay sa peligro ang kinabuhi atol sa operasyon.

Nakuha gikan sa posisyon ni Tan ug mga nabuhian nga butang ni Aguilar ang 15 gramos nga shabu isip ebidensiya sa kasong ipasaka batok sa mga suspek.

Drug den gironda

Sa laing bahin unom ka tawo ang nasikop sa hiniusang operasyon sa mga sakop sa Philippine Drug Enforcement Agency, Bohol Provincial Police Office, ug ubang yunit sa usa ka drug den sa Barangay Totolan, Dauis, Bohol, alas 7 pasado sa gabii niadtong Biyernes.

Ang nasikop naila nga sila si Mark James Pocoy alyas Jimboy/Pocoy, 27, subject ug tigmintenar sa drug den; Princes Andal, 31, kapuyo sa subject ug ang mga bisita nga sila si Roel Ayala, 48; Wilbert Naparan, 42; Archie Lomonsod, 39, ug Elmer Cuambot, 47-anyos.

Matud ni Leia Albiar-Alcantara, tigpamaba sa PDEA-7, nga ang subject usa ka drug surrenderer ug walay trabaho kinsa giingong namaligya ug nagpagamit sa ilang balay diin nagpuyo ang iyang kapuyo ug 2-anyos nga anak.

Nasakmit gikan sa mga dinakpan ang tulo ka pakete sa shabu nga motimbang og 6.5 gramos nga mobalor og P44 mil, timbangan, plastic, buy-bust money ug kagamitan sa pagsuyop.

Ang mga dinakpan nagtingkagol na sa selda ug gipaabot ang pagsang-at sa tukmang kaso. Rowena D. Capistrano/GMR (BANATNEWS)

BUY-BUST
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with