CEBU, Philippines — Human gisirado sulod sa tulo ka buwan tungod sa coronavirus pandemic sa lugar ug silingan nga barangay, ang Pasil Fish Market sa Dakbayan sa Sugbo hingpit na nga buksan karong Agosto 15.
Hinoon ang pangulo sa City Market Authority nga si Irvin Cabales nitug-an nga limitado lang sa 100 ka ambulant vendors ug 50 ka retailers aron pagseguro sa social distancing ug pagtuman sa health protocols sulod sa merkado.
Ang mga ambulant vendors adto mopahiluna sa karaan nga stalls sa phase 1 samtang ang mga retailers adto mookupar sa giayo nga phase 2.
Dugang ni Cabales nga atol sa pagbukas sa Pasil Fish Market, sirad-an usab ang kasamtangang gigamit isip temporaryong fish market sa may South Road Properties. /GMR (BANATNEWS)