Dakbayan sa Talisay midasig sa mga inahan nga magpasuso

CEBU, Philippines — Gidasig sa kagamhanan sa Dakbayan sa Talisay ang kababayen-an nga mopasuso sa ilang mga anak, nonot sa kasaulogan sa breast feeding awareness month. Kini gumikan ang gatas sa mga inahan adunay saktong bitamina ug minerales nga makapalig-on sa pagtubo sa bata.

Si konsehal Ricky Aznar, chairman sa committee on Health nagkanayon nga kung ang pagpasuso sa mga bata molungtad sa duha ka tuig makatabang kini sa pagtubo sa iyang immune system ingon man pagtubo sa iyang utok.

Gihangyo sab ang mga inahan nga dili magpasuso sa ilang anak kung walay sul-ob nga face mask gumikan kay naa pa ang covid-19 sa palibot.

Siguruon nga limpyo ang kamot sa dili pa mupatotoy ug tumanon gihapon ang distansya nga usa ka metro sa ubang nagpatotoy. Nagkanayon si Aznar nga angay lang nga matagaan ug ensaktong nutrisyon ang kabataan aron makalahutay kini sa hagit sa matag adlaw. /MEL (BANATNEWS)