SAF magpabilin sa Sugbo bisan ibutang na sa GCQ ang syudad

CEBU, Philippines — Mga sakop sa Philippine National Police Special Action Force magpabilin sa Cebu City bisan kung ang siyudad mo downgrade na ngadto sa General Community Quarantine (GCQ).

Kini ang gibutyag ni Retired Maj. General Melquiades Feliciano, Deputy Chief Implementor sa IATF sa Sugbo.

Matud pa ni Feliciano, magpabilin ang SAF aron i-deploy sa mga barangay o area nga i-lockdown bisan kon ang siyudad ipaubos na sa GCQ.

Kini gumikan kay bisan og ma-down grade na ang syudad ngadto sa GCQ  ipatuman gihapon kining gitawag og granular o zoning lockdown.

Nagkanayon si Feliciano nga ang  mga sakop sa SAF makatabang pagpugong o pagkontrolar sa lihok sa mga residente diha sa mga barangay aron malikay ang pagkatap sa COVID-19.

Sa nasayran daghan sa mga sakop sa SAF ang naa karon naka-duty sa mga lugar nga gipaubos sa  lockdown.

Kahinumduman si Environment Secretary Roy Cimatu mipadayag na nga siya kompyansa nga mapaubos na sa general community quarantine ang Dakbayan sa Sugbo. /MEL (BANATNEWS)