CEBU, Philippines — Gitug-an ni Konsehal Dave Tumulak sa Dakbayan sa Sugbo nga sagad sa mga sementeryo sa siyudad, publiko man o pribado, ang puno na tungod sa pagsaka sa nangamatay sa coronavirus disease.
Ang konsehal nitug-an nga bisan ang mga crematorium lapas na sa ilang kapasidad hinungdan nga ang uban patay isulod sa storage facilities labing minus duha ka adlaw samtang naghulat sa schedule sa cremation.
Ang Inter-Agency Task Force gusto nga ang nakalas sa COVID-19 i-cremate sulod sa 24-oras apan dili tanan pamilya makaabot sa bayranan sa cremation nga gikan sa P30,000 ngadto sa 50,000.
Si Tumulak nisugyot nga magtukod og sementeryo ang kagamhanan nga ilang dumalahon alang sa mga biktima sa COVID-19.
Dugang pa ni Tumulak nga mopalit sab cremation machine o magtukod og crematorium ang dakbayan.
Samtang si Presidente Rodrigo Duterte atol sa iyang tigum uban ang mga Cabinet secretaries tungang gabii niadtong Martes, niawhag sa mga funeral parlors nga dili mopasaka sa ilang bayranan ilabi na sa pagpa-cremate kung diin magpabilin ang ilang presyo sa dihang wala pa mahitabo ang COVID-19 pandemic. /GMR (BANATNEWS)