CEBU, Philippines — Si Cebu City Mayor Edgardo Labella nipalig-on karon sa City Hospitalization and Medicine Program (CHAMP) ug Burial Assistance sa siyudad.
Kini ang gitug-an ni Atty. Rey Gealon, tigpamaba sa siyudad atol sa gipahigayon nga online press conference.
Matud ni Gealon nga ang CHAMP adunay dugang pundo karon diin tumong niini nga mahatagan og ayuda ang mga mas labing nanginahanglan.
Gibutyag ni Gealon nga ang mahatag nga hinabang gikan sa sa P30 mil ngadto sa P50 mil o depende kini sa kantidad sa billing sa tambalanan diin na-admit ang pasyente.
Gawas sa CHAMP adunay burial assistance nga ihatag ang siyudad alang sa pamilya nga namatyan ug walay ikagasto sa pagpalubong.
Dugang ni Gealon nga ang siyudad mohatag usab og financial assistance ngadto sa labing nanginahanglan. /BDB (BANATNEWS)