Pagpaubos na sa GCQ gihangop ni Palma

CEBU, Philippines — Si Archbishop Jose Palma sa Archdiocese of Cebu nagpadayag sa iyang pag-uyon sa pagpaubos na sa general community quarantine (GCQ) sa Sugbo gikan sa duha ka buwan nga pagpaubos niini sa enhanced community quarantine.

Matud ni Palma nga pabor siya sa GCQ tungod kay medyo relax na og gamay ug mahatag na usab ang tanang serbisyo nga hamugaway.

Apan si Palma niawhag usab nga dili ra gihapon mokompiyansa ug magpabilin gihapong sundon ang tanang protocols nga gimando sa gobiyerno.

Dugang ni Palma nga bisan ug GCQ na importante gihapon ang pagbantay ug pagmentinar sa kahimsog sa panglawas aron malikay sa covid-19. /BDB (BANATNEWS)