Governor Garcia moapelar nga mag MGCQ

CEBU, Philippines — Moapelar si Cebu Governor Gwendolyn Garcia ngadto Inter-Agency Task Force (IAFT) nga ipaubos ang Probinsya sa Sugbo sa Modified General Community Quarantine (MGCQ) inay nga magpadayon sa general community quarantine sugod karong adlawa hangtud sa Hunyo 15.

Sa bag-ohay lang nga gipagawas nga resolution sa IATF ang Probinsya sa Sugbo gipaubos sa General Community Quarantine (GCQ) sugod karong adlawa Hunyo 1, 2020.

Apan si Garcia masaligon nga kaya na sa probinsya nga mag MECQ.

“I intend to appeal that. I already talked with the IATF regional chair and DOH Director Jimmy Bernadas that we will appeal because this is not what the province intends to do. Di ta magpabilin nga GCQ. We should move on to the next level and beyond that because we’re ready for that,” matud ni Garcia atol sa consultative meeting niya uban ang mga mayor sa lalawigan sa Sugbo di palang dugay.

Atol sa maong pakigtigom ang gobernador ug mga mayor nagkauyon nga libkason na ang border restrictions sa tibuok lalawigan ini’g Hunyo 12.

Ang mga trabahante nga taga Probinsya sa Sugbo nga nagtrabaho sa Dakbayan sa Sugbo tugotan na nga makasulod sa maong dakbayan ug makauli sa ilang lungsod sugod Hunyo 3 apan kinahanglan lang magpakita sila sa ilang ID ug certification gikan sa ilang mga employers nga sila tugotan na nga makatrabaho.

Nasabotan usab nga ang tanang mga residente sa probinsya makabiyahe na gikan sa ilang lungsod padulong sa laing lungsod nga walay restrictions.

Alang sa mga stranded nga mga indibidwal nasabotan usab nga ang matag lungsod kinahanglang moduso sa mga pangalan sa mga na- stranded nga mga indibidwal sa ilang lokalidad ngadto sa Secretariat sa League of Municipalities of the Philippines (LMP-Cebu) sa dili pa ang Hunyo 5.

“Ani na lang, i-inventory ang tanang locally stranded. Tell all barangay captains, kinsa ni sila, asa ni sila manguli. Once ma confirm na ni, you (mayors) will be told nga manguli para duna nay klaro nga pag-receive nila,” matud ni Garcia sa report sa Sugbo News ang news outlet sa Probinsya sa Sugbo.

Nagtinguha ang gobernador nga sa Hunyo 12 makauli na balik sa ilang mga lugar ang mga nangatanggong nga mga tawo diha sa nagkalain-laing mga lungsod. /IBM (BANATNEWS)