CEBU, Philippines — Si Archbishop Jose Palma sa Archdiocese of Cebu ang mangulo sa paglusad sa Bayanihan IEC Field Center diha sa IC3 Convention Center sa Pope John Paul II, Cardinal Rosales Avenue, Cebu City karong adlawa sa alas 2:00 sa hapon.
Si Palma mao ang mo-blessing sa bag-ong quarantine facility kauban sila si Presidential Assistance for the Visayas, Secretary Michael Lloyd Dino, Cebu Governor Gwendolyn Garcia lakip sila si Mayor Edgardo Labella sa Dakbayan sa Sugbo, Mayor Junard Ahong Chan sa Lapu-lapu ug Mandaue Mayor Jonas Cortes.
Gikatakdang motambong usab sa maong kalihukan ang direktor sa Department of Health (DOH)-7 Dr. Jaime Bernadas ug ubang ahensiya sa kagamhanan.
Nangulo sa maong Bayanihan Cebu Ph Convener si Edmun Liu uban sa pakig-alayon sa Archdiocese of Cebu diin ang San Carlos Seminary gigamit usab isip maoy butanganan sa mga kinahanglanon sa Bayanihan IEC field center. /BDB (BANATNEWS)