CEBU, Philippines — Gawas sa Lungsod sa Liloan, nakadawat sab og hinabang gikan sa kapolisan ang mga labing kabus nga pamilya sa Lungsod sa Cordova ubos sa PNP: Kapwa Ko Sagot Ko Program.
Si Police Lieutenant Jan Ace Elcid Layug, hepe sa Cordova Police Station, niingon nga niadtong Huwebes ilang gihimo ang paghatag sa Sitio Bantayan, Barangay Poblacion sa maong lungsod nga naglakip sa bugas, de lata ug kwarta.
Si Police Regional Office 7 director, Police Brigadier General Albert Ignatius Ferro, sa iyang pamahayag niingon nga ang maong mga molupyo nga ilang gihatagan og hinabang mao kadtong ilang nakita nga naglisud gyud sa ilang panginahanglan tungod kay walay nagbiyahe nga mga sakyanan.
Sa nasayran nga matag food pack nga gihatag sa kapolisan ang nagkantidad kini og P1,000 nga naglangkub sa bugas, mga utanon ug uban pa. /GMR (BANATNEWS)