CEBU, Philippines —Subay sa pagpatuman sa number coding sa Dakbayan sa Sugbo ubay-ubay na usab ang gidaghanon sa mga sakyanan nga na-impound sa Cebu City Transportation Office (CCTO).
Matud ni John Paul Amores, public information officer sa communications and electronics sa CCTO nga sukad giimplementar ang number coding sa mga sakyanan nakatala na sila og 336 ka motorsiko, 19 ka 4-wheel nga mga sakyanan, usa ka traysikad ug usa ka traysikol ang na-impound tungod kay walay rehistro ang maong mga sakyanan u gang uban expired ang lisensiya sa drayber.
Atol sa ilang hiniusa nga operasyon uban sa 11 ka police stations daghang mga gadagan nga expired ang mga rehistro sukad pa sa niaging tuig.
Gibutyag ni Amores nga ang mga na-impound kadaghanan niini walay lisensiya ang drayber o expired ang rehistro sa sakyanan.
Matud usab ni Amores nga P1,500 ang bayad sa towing wala pa kini labot sa pending violations sa tag-iya sa mga naguyod nga motorsiklo o sakyanan.
Ang CCTO niawhag sa katawhan nga magpabilin lang sa ilang balay kong walay importante nga lakaw. /BDB (BANATNEWS)