Stranded nga taga Bohol nagtinabangay
Rowena D. Capistrano (Banat) - April 6, 2020 - 12:00am

CEBU, Philippines — Magtiayong taga Bohol nga naabtan sa enhanced community quarantine sa Sugbo ang nagpuyo lang una sa barong-barong sa usa ka junk shop sa Sitio Top Hills, Barangay Lahug, Dakbayan sa Sugbo. Ang magtiayon nga sila si Warlito Timogan, 45, ug Amalia Tagaro, bitbit ang ilang anak nga lalaki ang natanggong human ang anak nila nga dalagita ang nasakit ug dili pa dugay nakagawas sa tambalanan.

Ang magtiayon gikan sa Sitio Tuburan, Buen Unido, Lalawigan sa Bohol ug tuyo nga niabot sa Sugbo aron sa pag-atiman sa dalagita nilang anak apan naabtan sila sa “no sail policy”.

Ang magtiayon napugos sa pagpuyo sa gamay nga panimalay sa igsuon ni Tagaro.

Usa ka Anna Castro nga residente sa maong lugar ang nipagamit sa iyang junk shop nga temporaryo una nga kapuy-an sa magtiayon diin nagtinabangay ang mga residente aron mapabarug ang maong barong-barong gikan sa mga sin sa junkshop.

Matud ni Castro nga kung aduna lang siyay laing kwarto mahimo ra unta niya papuy-an sa pamilya hangtud mahuman ang ECQ.

Si Castro nitug-an nga sayud siya unsa kapait ang kahimtang sa magtiayon hinungdan nga nagtinabangay silang mga silingan diin gihatagan nila og kaldero ug kaha aron adunay kalutoan para sa nagkutoy nilang tiyan.

Usa ka Daryll Villamero ang nipost sa social media sa kahimtang sa magtiayon aron matabangan sa uban.

Atol sa pag-post ni Villamero aduna dayun nagpadala og hinabang sa magtiayon alang sa diaper ug panginahanglanon sa bata.

Kagahapon sa buntag naabtan sa Banat News ang usa ka stranded usab nga taga Tagbilaran City, Bohol kinsa nangita sa pamilya ug nipaambit og pangonsumo lakip sa kwarta.

Matud ni Jessi Mori nga na-stranded man sila apan aduna pa silay makuot-kuot kay sa maong pamilya nga adunay anak ang nalooy siya kay nibati usab siya niini isip usa ka amahan usab.

May gisugo sab ang konsehal sa Buen Unido nga si Konsehal Gay Mabanag sa pagtunol og tabang sa magtiayon kinsa mapasalamaton sa tanan nga nitabang. /GMR (BANATNEWS)

BOHOL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with