CEBU, Philippines — Mga kalihukan sa Semana Santa hingpit nang sugdan karon adlawa pinaagi sa Domingo sa Lukay o Palma Sunday of the Lord’s Passion.
Ang Roman Catholic Archdiocese of Cebu Archdiocesan Commission on Worship nipagawas ug tamdanan alang sa mga relihiyosong tulomanon nga mabuhat sa usa ka banay atol sa kwaresma ug sa Semana Santa.
Tungatunga niini kahadlok ug kasakit dala sa sakit nga coronavirus (COVID-19), ang Arsobispo sa Sugbo Archbishop Jose Palma maoy mangulo sa Santos nga Misa nga pagahimuon diha sa sulod sa Cebu Metropolitan Cathedral uban sa pipila lamang ka mga tawo,
Ang kasaulogan mahimong makita sa telebisyon, mapaminaw sa radio ug matan-aw pinaagi sa live-streaming sa internet.
Tungod kay padayon pa man karon ang Missa Sine Populo nga nagpasabot pagpahigayon sa Santos nga Misa nga wala kaayoy mga tawong manimba gawas sa pari ug pipila ka mga kauban.
Ang Simbahan mipagawas og tamdanan nga masundan sa mga magtutuo aron magpabilin ang ilang koneksyon ug pagtuman sa ilang mga sulondon panahon sa Semana Santa.
Karong adlawa, nga gitawag sam nga Domingo sa Lukay ang banay maggunit og lukay ug ipataas kini panahon sa pag-ampo.
Matud pa nga wala na kinahanglana ang Balaang Tubig o bendita tungod kay ang pag-ampo ug ang Balaang Kasulatan naghatag na kini sa panalangin.
Ang Santos nga Misa nga saulogon sa Cebu Metropolitan Cathedral makita sab pinaagi sa Facebook live ug madungog sa sibyaanang DyRF1215. – Rowena Capistrano/IBM
Mga nagbantay checkpoints gihatdan ni Labella og mga gamit
Gibisita ni Cebu City Mayor Edgardo Labella ang mga checkpoints sa mga utlanan sa dakbayan nga kasamtangang gisirad-an border aron ipangapod-apod ang mga dugang nga mga suplay alang sa mga frontliners.
Si Labella kauban si Cebu City Police Office (CCPO) Director Hector Grijaldo, Cebu City Councilors David Tumulak ug Joel Garganera, Attorney Floro Casas city administrator, Attorney Rey Gealon city legal officer, ug Attorney Jigo Dacua Department of Public Service chief.
Si Labella mipadayag sa iyang pasalamat sa mga nagbantay sa maong mga utlanan sama sa mga pulis, opisyal sa militar, mga opisyal sa sunog ug uban pang mga nagbantay.
“Salamat kaayo sa inyo gipakita nga kadasig. Kabalo ko dili sayon inyo trabaho, usahay makasab-an pa mo sa ordinaryong tawo, ug usahay makasab-an pa mo sa opisyal sa gobiyerno. Dili lalim inyo trabaho, na realized ni namo nga dako kaayo among angay ipasalamat kaninyo,” sumala pang Labella.
Ang mga gibisitang mga utlanan sa grupo mao ang sa Dakbayan sa Sugbo ug Talisay City, Cebu City ug Mandaue, ug ang Barangay Mabolo ug Barangay Subangdaku diin gimuntar ang mga checkpoints. Ang mga frontliners gipanghatagan og dugang mga gamit sama sa mga face mask, mga face shields, mga alcohol, mga sabon, mga hygiene kits, kape, ug mga foodpacks, ug uban pang ilang gikinahanglan. /IBM (BANATNEWS)