Yaya sikop sa buy-bust
CEBU, Philippines — Nagtingkagol sa prisohan ang usa ka dalaga human nasikop sa mga tinugyanan sa Parian Police Station atol sa buy-bust operation sa may Barangay Lorega, Dakbayan sa Sugbo niadtong Huwebes sa gabii
Ang nasikop naila nga si Agnes Perez, residente sa maong lugar ug giingong usa ka yaya og bata.
Nangulo sa maong operasyon mao si Police Major Armando Labora Jr., hepe sa Parian Police Station, ug kaubanan.
Nasakmit gikan sa dinakpan ang mga pinutos sa ginadili nga drugas nga mobalor og dul-an sa P60 mil base sa Dangerous Drug Board value ug buy-bust money.
Ang dinakpan kasamtangan una nga gitanggong ug gipaabot ang pagsang-at sa tukma nga kaso nga kalapasan sa pagpayuhot ug ginadili nga drugas. /GMR (BANATNEWS)
- Latest