Ipasunod gyud ni Cebu City Mayor Edgardo Labella ang social distancing atol sa pagpanghatag sa financial assistance sa mga senior citizens sa kabarangayan.
Philstar.com/Era Christ R. Baylon
Social distancing atol sa pagpanghatag sa cash aid sa seniors
Decemay P. Padilla (Banat) - April 3, 2020 - 12:00am

CEBU, Philippines — Ipasunod gyud ni Cebu City Mayor Edgardo Labella ang social distancing atol sa pagpanghatag sa financial assistance sa mga senior citizens sa kabarangayan.

Gitataw ni Labella nga ang sa buwan sa Marso pa ang mahatag ug dili pa maapil ang sa Abril subay sa lagda sa Commission on Audit. Hayan ugma mahatag na ang ayuda kun makaandam na ang mga barangay. Tinguha sa kagamhanan sa siyudad nga ihatud sa tagsatagsa ka panimalay ang maong hinabang. Samtang gihangop sa mga senior citizens sa Dakbayan sa Lapu-Lapu ang sayo nga pagpanghatag sa ilang midyear cash assistance. Kini gumikan kay ila kining magamit niining panahon sa enhanced community quarantine.

Ang konseho sa siyudad nipalabang sa ordinansa alang sa sayong paghatag sa midyear cash assistance sa mga senior citizens ubos sa pag-uyon ni Mayor Junard “Ahong” Chan.

Apan ang pangulo sa Office of Senior Citizens Affairs nga si Carmelita Berame nipasabot nga kasamtangan pa nga gihimo ang lagda sa pagpangapod-apod sa ilang cash assistance.

Kini naglakip sa social distancing nga dili moresulta sa panaghuot sa mga senior citizens.

Usa sa gitan-aw sa kadagkuan sa OSCA sa dakbayan mao ang house-to-house nga pagpanghatag.

Base sa niaging tuig, ang mga senior citizens nakadawat og P3,500 gikan sa Enero hangtud sa Mayo ug laing P3,500 nga ilang nadawat sa Hunyo hangtud sa Disyembre. Romeo T. Limpangog/GMR (BANATNEWS)

SOCIAL DISTANCING
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with