CEBU, Philippines — Gidepensahan ni ACT-CIS Rep. Eric Go Yap ang Research Institute for Tropical Medicine (RITM) nga nasipyat sa paghatag sa resulta sa iyang COVID-19 test nga nagpahibalo kaniya nga positibo kini sa maong virus apan diay to negatibo kay lain nga resulta ang nahatag kaniya.
Ang RITM nangayo og pasaylo kaniya bahin sa nasipyat nga pag-encode sa resulta niadtong Miyerkules diin gipahibalo siya nga positibo kini sa maong sakit.
“(Yap’s) results are by no means a false positive. This isolated incident was brought about by an encoding error which was discovered late last night by the Molecular Biology Laboratory of the Department of Health-RITM,” sumala pa sa pamahayag sa maong ahensiya.
Hinuon giklaro sa RITM nga compliant ang ilang proseso sa gimando sa World Health Organization protocol ug bisan sa maong sipyat kasaligan gihapon ang ilang mga tests.
“For the assurance of the public, we have reviewed all results we have previously forwarded and we affirm that this incident remains isolated. We have also added another layer of verification for all succeeding reports we will submit,” dugang pagpasabot sa RITM. Hinuon si Yap kinsa namahayag nga siya asymptomatic ug walay gipamati sa lawas sa dihang mitambong siya sa special session sa mga sakop sa Palasyo ug House of Representatives’ niadtong Marso 15, kini bisan pa man nga nakapaubos na siya sa test niadtong Marso 15. Matud pa ni Yap si RITM director Celia Carlos mismo maoy nipahibalo kaniya bahin sa sayop. Sumala pa niya sa TV5, bisan pa niini, ipadayon niya ang 14 ka adlaw nga quarantine ug dili na siya mopaubos pa sa laing test. “I know no one is perfect. I ask that we trust the RITM,” pamahayag pa niya. Gikan sa Philstar.Com/IBM