Quarantine sa Cebu City mas gipahugtan pa gyud

CEBU, Philippines — Gipaubos na sa State of Enhanced Community Quarantine(ECQ) ang Cebu City ni Cebu City Mayor Edgardo Labella sa press conference niya kagahapon sa buntag.

Ang maong ECQ epektibo sugod sa alas 12 sa udto sa Marso 28, adlaw’ng Sabado hantod sa alas 12 sa udto sa Abril 28, adlaw’ng Martes o hangtod nga malikbas ang ECQ.

Gimanduan ang residente sa Cebu City sa pagsunod sa Mandatory Stay At Home Order, tanang tawo sa siyudad. Tugotan ang usa ka miyembro sa pamilya makagawas aron mopalit sa panginahanglan.

Hinuon exempted ang mga medical practitioners, apil mga health volunteers ; otorisadong national and local government officials and employees; drivers ug personnel sa  mga delivery vehicles; construction workers nga otorisado sa siyudad; accredited media personnel; maguuma, mananagat ug agri-business personnel; mga tawong nagkinahanglang dad-on sa tambalanan ug usa ray kauban; mga empleyadong sakop sa mga establisamentong exempted sa Section 2.C hereof; ug otorisado sa mayor. Magpadayon ang mga government offices nga naghatag og basic services apan kinahanglan mopatuman og pamaaging subay sa Civil Service Commission memorandum circular No. 07.

Tanang establisamento sirad-an gawas lang sa hospital, medical clinics, laboratories; pharmacies ug drug stores; gasoline stations; cargo handlers, forwarders, shipping lines, truckers, container yards; water, electricity, cable ug telecommunication companies; funeral parlors; manufacturing medical supplies, materials ug components; delivery services, pag-transport og pagkaon, tambal ug ubang basic necessities. Mahimong mo-operate hangtod sa alas 8 sa gabii ang mga kan-ana basta ug takeout orders ug delivery ra; food manufacturers ug suppliers; public markets, supermarkets, groceries, bakeshops, ug convenience stores; water-refilling stations; veterinary clinics animal feed suppliers; bank ug money transfers; hardware stores; delivery ug courier services; dealers o suppliers og agricultural products, LPG ug ubang petroleum products, medical supplies ug veterinary supplies; ug laundry services.

Ang siyudad mohatag og kasakyan sa frontliners, health ug medical workers, trabahante sa mga establisamento nga exempted sa ECQ gikan sa alas 5 sa buntag hantod sa alas 8 sa gabii. /IBM (BANATNEWS)