CEBU, Philippines — Nagpahinumdom ang kagamhanan sa Siyudad sa Sugbo kalabot sa testing kits sa coronavirus disease 2019 nga dili aprubado sa Department of Health ug Food and Drug Administration.
Si Konsehal Raymond Alvin Garcia nibutyag nga daghan niini iyang nakit-an sa internet.
“Pwede man gud na nga bisan 1 million kabuok tawo mamalit anang kits unya they claimed to be positive it’s not a certainty they are positive of COVID-19 you have to go through the official, confirmatory all of these process which only Vicente Sotto (Memorial Medical Center) has and nobody else,” sigun ni Garcia.
Matud ni Garcia nga angay nga maghuwat sa City Health Department ug DOH nga ang pasyente positibo sa COVID-19 ug dili lang mangangkon dayon nga positive kay magdugang kini sa kabalaka ug panic sa katawhan.
Samtang si Cebu City Health Officer, Dr. Daisy Villa, niasoy nga an gang upat ka samples nga gipadala sa Research Institute for Tropical Medicine aron pagsuta kung ang resulta sa test magtakdo ba.
“Kay og mo the same ilang resulta pwede nata dili magpadala didto sa RITM, Sotto na atong confirmation,” matud ni Villa.
Sa pagkutlo niining maong balita, si Villa niingon nga wala pay positibo sa COVID-19 sa Cebu City. /GMR (BANATNEWS)