Brgy. kapitan nagpalaban sa “major”
Gabriel Bonjoc (Banat) - March 24, 2020 - 12:00am

CEBU, Philippines — Paimbestigahan sa Cebu City Police Office ang giingong pakyas nga pagdakop sa usa ka barangay kapitan sa Dakbayan sa Sugbo niadtong Domingo sa gabii diha sa balay sa uyab niini sa Barangay Kamputhaw.

Kini bisan pa man sa estrikto nga pagpatuman sa liquor ban ug curfew sa tibuok dakbayan nunot sa gipatumang general community quarantine nunot sa hulga sa novel coronavirus COVID-19.

Matud pa ni CCPO Director Police Hector Grijaldo nga iya na gimandoan nga aksyonan sa Abellana Police Station ang maong insidente.

Giingong dunay viral video sa social media ang barangay kapitan (di kapitan sa Kamputhaw) nga aduna kini gitawagan sa cellphone nga giingong usa ka “Major” ug kini nagpatabang kay buot kining arestuhon sa mga polis nga nagpatrolya.

Dugang pa ni Grijaldo nga dili niya palabyon kining maong insidente.

“Actually I don’t  have a formal  report of the incident that happened na there was a a government official, a barangay  chairman, violating the liquor ban. So, we will be conducting an investigation on it,” matud pa ni Grijaldo.

Buot sab ni Grijaldo nga mas palawman pa ang imbestigasyon human sa nahitabong insidente.

Viral video

Sa nakatap nga video sa social media kun diin giingon adunay gikaestorya ang maong kapitan sa cellphone ug nadungog kining miingon: “Major naa ko ron diri sa ga birthday ron major ba. Birthday sa akoang uyab ron major ba, naa sa gawas pero naa ra sa gate sa iyang balay. Dia man gu’y nisita diri, iya man jud dalhon, gihangyo nako nya di man jud madala,” matud pa sa kapitan nga gireklamo.

Nakita sad sa video nga adunay usa ka case sa ilmnonng makahubog nga anaa sa gawas sa panimalay kun diin makonsiderar kini nga usa ka pampublikong lugar.  Si Grijaldo miingon nga walay special treatment bisan mga opisyal sa gobyerno ilabi na nga nakalapas kini sa balaod.  “We don’t have the power nor the exemption to say that laws should be violated. Sila dapat yung magpapakita ng tamang pagsunod sa batas natin,” pasabot pa ni Grijaldo.

Gimandoan niya ang tanang mga station commanders nga estkrituhon ang curfew ug liquor ban ilabi na ang mga tindahang mamaligya og ilimnong makahubog.

Si Cebu City Legal Officer Rey Gealon miingon nga mohimo sab og imbestigasyon ang ilang buhatan sa hitabo.

“Under the Law, Public officials and employees shall at all times be accountable to the people and shall discharge their duties with utmost responsibility, integrity, competence, and loyalty, act with patriotism and justice, lead modest lives, and uphold public interest over personal interest.” matud pa sa pamahayag ni Gealon. – Sheriza Mae Uy ug Rowena Capistrano/IBM

HVI nisukol, patay

Patay ang usa ka gipasanginlang akyatbahay nga naila sab nga high value individual (HVI) sa kampanya batok ilegal nga drugas human kini giingong nisukol sa mga sakop sa Provincial Intelligence Branch (PIB) atol sa buy bust operation kagahapon sa buntag sa Largo Compound, Barangay San Isidro, Dakbayan sa Talisay.

Ang napatay mao si Buen Chiong, nagpuyo sa maong lugar. Si Police Lt. Colonel Marlu Conag, pangu sa PIB nagkanayon nga taud-taod na nilang gipangita si Chiong hangtud nga nakahigayon ang operatiba sa pagpalit og drugas kaniya.

Sa dihang nakabantay si Chiong nga polis ang iyang gikasabot dali kini nibunot sa iyang armas nga .45 dayon pusil sa operatiba.

Nibawos ang mga otoridad hangtud nga napatay Chiong. Nakuhaan og drugas ingon man drug paraphernalia ang napatay.

Samtang usa ka habal-habal driver ug iyang karelasyon nga 14 anyos nga babaye nasikop sa Drug Enforcement Unit sa Pardo Police Station pinangulohan ni Police Major John Kareen Escober diha sa Sitio Tangke, Barangay Mambaling  sa Dakbayan sa Sugbo.

Ang dinakpan mao si Johnrey Navales Deresas alyas “John,” 26, nagpuyo sa Barangay Tisa nga nalakip sa regional drug watchlist ang dalagitang uyab niini.

Si Deresas nakuhaan og 110 gramos nga gidudahang shabu nga mobalor P748 mil. Ang 14 anyos nga babaye dalhon ngadto sa Operation Second Chance. Romeo Marantal /IBM (BANATNEWS)

MAJOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with