Tuslob buwa nauli na sa Suba ug Pasil
Rowena D. Capistrano (Banat) - March 12, 2020 - 12:00am

CEBU, Philippines — Ang tag-iya sa Azul Cebu ang nangayo og pasaylo sa mga Sugboanon ug sa mga opisyal sa Barangay Suba ug Pasil kini kalabutan sa isyu sa trade mark sa tuslob buwa.

Niadtong Marso 3, 2020 ang Azul Cebu ni-post sa ilang social media account nga gipanag-iya nila ang tuslob buwa trademark diin narehistro kini sa ilaha ug walay gitugotan nga mogamit niini kong walay pagtugot sa maong establisamento.

Human sa maong social media post nakaani kini og lainlain nga komento lakip ang pagpangutana kong kinsa gyud ang nag-una niini ilabi na nga daghan ang nasayod nga diha kini naggikan sa Pasil ug Suba diin aduna silay festival niini.  Ang mga opisyal sa nahisgutang mga barangay ang nibahad nga mopasang-at og reklamo sa maong pagpangangkon.

Ang maong isyu naresolba kini human nag-abot ang matag habig sa opisina ni Konsehal Eduardo Rama Jr. aron matak-opan ug nahimoan og win-win solution.

Ang mga kapitan sa Pasil Julius Guioguio ug Suba Jojo Sable nipadayag nga nipagawas og sentimento ang mga katawhan sa ilang barangay human giangkon ang tuslob buwa.

Ang tag-iya sa Azul Cebu nga si Ian Sekong nangayo kini og pasaylo sa mga opisyal sa nahisgutang mga barangay sa giingong pagpangangkon niya.

Si Sekong nipasabot nga wala siya’y dautang tuyo sa pagparehistro niini tungod kay maoy iyang tinguha nga maprotektahan ang cultural heritage sa maong pagkaon ug nisubay siya sa proseso sulod sa usa ka tuig.

Ang maong pangalan giuli ni Sekong mga barangay nga tinuoray nga nanag-iya niini.  /BDB (BANATNEWS)

PASIL
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with