Maya roro port nahuman na
Gregg M. Rubio (Banat) - March 9, 2020 - 12:00am

CEBU, Philippines — Human sa kapin napulo ka tuig, ang roll on-roll off (RoRo) port sa Maya, Daanbantayan sa amihanang bahin sa Lalawigan sa Sugbo ang hingpit na nga nahuman.

Nagpaabot nalang kini sa turnover gikan sa kontraktor ngadto sa Cebu Port Authority aron magamit na.

Ang proyekto gibiyaan sa WTG Construction and Development Corp. niadtong 2008 tungod sa mga problema apan karon usa na ka modern ug PWD (persons with disabilities)-friendly nga pantalan.

Aron mahuman ang proyekto, ang CPA niadtong 2018 nikuha og laing kontraktor nga mao ang AT Tan Construction Corp. nga maoy niugmad sa reinforced concrete deck nga dunay RoRo ramp ug pagsemento sa causeway extension; ingon man pagbutang sa two units gangway ramp alang sa mga PWD nga pasahero sa motorized banca.  

Hinapos nga bahin sa Pebrero nahuman sa AT Tan Construction Corp. ang proyekto nga mas sayo kaysa Abril 2020 nga tagal.

Gidayeg sa mga lokal nga opisyal ang CPA ingon man ang kontraktor sa maayong trabaho.

Matud ni Daanbantayan Mayor Sun Shimura nga dakung tabang sa ekonomiya dili lang sa lungsod ang RoRo port apan apil na ang tibuok Lalawigan sa Sugbo ug kasikbit nga mga probinsiya sama sa Masbate, Leyte, ug ubang bahin sa Luzon.

“It can also help us with our tourism destinations not just in Daanbantayan but can create a tourism circuit within Bantayan Island, Boracay and Leyte,” matud ni Shimura.

Ang Maya RoRo port motakdo kini sa padulngan sa Isla sa Malapascua isip premier tourist destination diin ang CPA nagbutang na og jetty with covered walk nga usa sab ka PWD-friendly facility sa isla.

Ang Maya RoRo port project gipatuman kini sa CPA niadtong 2007 isip flagship project ni kanhi Presidente Gloria Macapagal-Arroyo.

Ang unang bahin sa access road nahuman niadtong Hulyo 31, 2009. Ang katapusang bahin mahuman unta niadtong Hulyo 30, 2010 apan nalangan tungod sa problema sa pagpalit sa luna nga yuta nga maagian.

Ang pag-ugmad sa causeway ug ubang port facilities iya unta sa kagamhanan sa Lalawigan sa Sugbo apan nahunong human napupos ang termino ni Gobernador Gwendolyn Garcia niadtong 2013.

Si kanhi kongresista Benhur Salimbangon ang niawhag sa CPA sa paghuman sa proyekto human si kanhi gobernador Hilario Davide III wala nagpakita og gana sa pagtuman sa gikasabutan sa panahon ni Garcia.

Ang RoRo port gibahin sa tulo ka hugna nga mao ang access road gikan sa main highway paingon sa port/causeway, ang causeway ug ubang port facilities, ug ang RoRo ramp sa tumoy sa causeway nga maoy katapusang bahin sa proyekto.

Ang Kapitolyo, CPA, Salimbangon ug Department of Public Works and Highways nagpirmahay og memorandum of agreement niadtong 2011 alang sa pagbahin-bahin sa obligasyon. Ang access road giugmad na sa DPWH apan ang CPA dili makaugmad sa RoRo ramp kung dili mahuma nang causeway.

Ang RoRo Port sa Daanbantayan kabahin kini sa plano ni Salimbangon sa paghimo sa ikaupat nga distrito isip special economic zone nga karon gipadayon sa iyang asawa nga si Kong. Janice Salimbangon. (BANATNEWS)

PORT
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with