Pagpusil kang Arce di tinuod

CEBU, Philippines – Pangulo sa Prevention Restoration Orderly Beautification Enhancement (PROBE) Raquel Bohol-Arce mihimakak sa estorya napusilan siya niadtong Martes sa buntag atol sa paghimo nila og clearing operations diha sa Barangay Ermita sa Dakbayan sa Sugbo.

Sumala pa ni Arce, daghan siyang nadawat nga tawag ug mga mensahe nga nangumusta sa iyang kahimtang. Matud niya natingala siya kay dili man kini tinuod.

Si Arce mapasalamaton sa mga tawo nga kanunay nag-ampo alang sa iyang kaluwasan ug nihangyo sa mga tawo nga naghunahuna ug dautan batuk kanila nga igo ra man unta sila nituman sa mandato sa ilang trabaho.

Gitug-an ni Arce, maayo unta sabton sa katawhan pinaagi sa positibo nga panglantaw ang ilang trabaho nga gibalik ang sidewalk para sa katawhan kay naalihan na sa mga vendors. /IBM (BANAT NEWS)