80 ka kapitan gitigom alang sa road clearing
Decemay P. Padilla (Banat) - January 26, 2020 - 12:00am

CEBU, Philippines — Gipakigkitaan niadtong Biyernes sa Department of Interior and Local Government (DILG) Cebu City ang 80 ka barangay kapitan sa Siyudad sa Sugbo diin gituki ang pagpatuman unya sa barangay road clearing.

Si Atty. Ian Kenneth Lucero, DILG Cebu City officer-in-charge nagkanayon nga nag-set sila og meeting tali kang Cebu City Mayor Edgardo Labella ingon man sa mga concerned office sama sa Department of Public Works and Highways(DPWH), City Legal Office, Prevention Restoration Order Beautification Enhancement (PROBE), Cebu City PNP ug sa 80 ka barangay kapitan.

Kini may labot sa papel sa mga kapitan ug mga miyembro sa Sangguniang Barangay sa presidential directive paghawan sa mga ilegal nga estraktura ug obstruction sa tanang kadalanan sa barangay.

Ang mga barangay kapitan na usab ang gihatagan karon og kamandoan sa paghawan sa mga karsada ug sidewalk.

Ang mga kapitan nisusi sa mga kasamtangang dokumento sa ilang barangay pagpiho kong natakdo ba kini sa kasamtangan nga mga balaod ug ordinansa sa siyudad.

Dugang ni Lucero nga ang mga sidewalk alang kini sa publiko ug kinahanglang hawanan kini aron ang pedestrian dili mosubay diha sa karsada nga makabalda sa trapiko. /BDB (BANATNEWS)

ROAD CLEARING
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with