‘Hubo’ nitapos sa Fiesta Señor
Rowena D. Capistrano (Banat) - January 25, 2020 - 12:00am

CEBU, Philippines — Hingpit na nga gitak-opan ang Fiesta Señor pinaagi sa Hubo Mass nga gipangulohan ni Fr. Pacifico Nohara Jr., rector sa Basilica Minore del Sto. Niño, nga gitambongan sa liboan ka deboto sulod sa Basilica Pilgrim Center kagahapon sa kaadlawon.

Mapasalamaton si Nohara sa tanang deboto sukad sa ilang pagdumala sa Basilica niadtong 2016 hangtud karon tungod kay makanunayon nga malampuson ang kalihukan sa kapistahan sama sa Walk with Jesus, Walk with Mary ngadto na sa Solemn Foot Procession.

Matud ni Nohara nga bisan sa lain-lain nga lakat sa panahon nagpakita gihapon ang mga deboto nga kabahin kini sa ilang pagsakripisyo ug pag-antos.

Dugang ni Nohara nga ang hubo nagpakita nga gikan sa pagkaanindot sa kalihukan, bongga ug mga sadya nga paglingaw-lingaw, hugpong sa pamilya ug uban pa, panahon na kini karon sa paghinuklog ug sa pagpadayon sa mission ug pagpaubos sa kaugalingon nga dili perpekto ug adunay mga kahuyangan.

Sumala pa ni Nohara nga ang hubo wala magpasabot nga paghubo sa sapot kung dili paghubo sa mga kasaypanan ug pagpangayo og pasaylo sa Labaw nga Makagagahum.

Malaumon si Nohara nga ipadayon sa mga deboto ang mga maayong buhat ug pagpaambit niini ngadto sa mas labing nanginahanglan.

Gidasig ni Nohara ang mga magtutuo nga kanunay gyud mosangpit sa Ginoo tungod kay andam kining modawat sa katawhan bisan og unsa kini ka makasasala kay andam kini mopasaylo.

Atol sa hubo ang Balaan nga Bata giilisan sa iyang sapot nga ordinaryo human sa senina nga gisul-ob niini atol sa iyang kapistahan. –/GMR(BANAT NEWS)

FIESTA SEñOR
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with