Nagsunog sa trak ipataral
MANILA, Philippines — Nimando si Gob. Gwendolyn Garcia sa Cebu Provincial Police Office nga seguraduhon nga masilotan ang responsable sa pagsunog sa truck sa iyang umagad nga si Kongresista Vincent Franco “Duke” Frasco.
Ang maong truck gikargahan sa hinabang ni Frasco sa Isla sa Camotes apan gisunog niadtong kaadlawon sa Enero 17, 2019.
Si Garcia nagkanayon nga aduna na silay mga suspek.
“It would seem that this is a usual tactic, mismo ang mga tawo didto nakakita nga usa ka van mga ala una sa kaadlawon. And I think the police have already some leads. I have asked Colonel Marian (Roderick Mariano) to see to it see to it that the perpetrators will be brought to justice,” matud ni Garcia.
Sumala sa gobernador nga dili mahimo nga magpadayon ang “naandan nga panghadlok”.
“Unsa man ni, nagpuyo gihapon ta sa dark ages gihapon? Dili man ta mga barbaric…dili man ta og wala edukasyon o sibilisasyon nga lugar. Cebu ni ug this is a message to all who still believe that they can intimidate or get away with it, nga who still believe nga ang mga kinaraan nga pamaagi kaniadto kun diin nangahadlok ang mga tawo. Well look around change has come to the 5th district,” matud ni Garcia.
Si Frasco nihulagway sa maong panghitabo nga “harassment” ug “intimidation”. /GMR (BANATNEWS)
- Latest