CEBU, Philippines — Naabot na sa Sugbo ang bag-o nga air asset sa Philippine National Police nga gamiton sa inspeksyon atol sa Sinulog human gihatagan og pagtugot ang Police Regional Office 7 sa paggamit niini.
Matud ni PRO-7 Director, Police Brigadier General Valeriano de Leon, nga una kini nga nahitabo nga adunay kaugalingong air asset ang PNP nga gamiton sa mas lapad nga operasyon sa kapolisan. Usa sa mga modumala niini ang kontrobersyal nga polis nga si Police Lieutenant Colonel Wildemar Tiu nga naa na karon sa Special Action Force Air Unit. Matud ni Tiu nga gamiton ang ilang helicopter sa pagsusi sa mga kalihukan sa Sinulog ug mahimong magamit kini sa mga emerhensya nga mahitabo. /GMR (BANATNEWS)