CEBU, Philippines — Ang kapolisan sa Police Regional Office (PRO)-7 aduna kini contingent nga moapil atol sa Sinulog Grand Parade 2020.
Kini ang gibutyag ni PRO-7 Regional Director Police Brigadier General Valeriano De Leon human nga niapas sila sa pagparehistro ngadto sa Sinulog Foundation Inc..
Gibutyag ni De Leon nga dunay giandam nga performance ang PRO-7 isip halad pasalamat nila kang Senior Santo Niño.
Si De Leon kinsa wala mohatag og dugang detalye kabahin sa ilang contingent nagkanayon kini nga gipangandaman usab nila ang ilang pag-apil sa kalihukan.
Kahinumduman nga ang pag-apil sa contingent sa PRO-7 sa kalihukan sa Sinulog una kini nga gibuhat panahon sa kanhi regional director sa PRO-7 Police Brigadier General Debold Sinas diin gawas sa contigent ang PRO-7 aduna usab kini float niadtong Sinulog 2019.
Karong tuiga giingong ang PRO-7 wala kini float mga contingent lang nga mopasundayag og sayaw. /BDB (BANATNEWS)