NPC motabang og sulbad sa problema sa kuryente sa Camotes
Le Phyllis F. Antojado (Banat) - December 29, 2019 - 12:00am

CEBU, Philippines — Gisaad sa National Power Corporation (NPC) nga motabang kini sa pagsulbad sa problema sa kuryente sa Isla sa Camotes nga giingong dugay na nga panahon nga nahimong problema sa mga residente sa isla.

Si Pio Benavides, chief executive sa NPC nisaad kang Gobernador Gwendolyn Garcia nga motabang sila sa pagpalambo sa linya sa kuryente sa Isla sa Camotes.

Si Benavides nipadayag sa maong saad atol sa gipahigayong pinirmahay sa usufruct agreement tali sa Kapitolyo ug NPC.

Matud ni Benavides nga mahimo nga makatabang ang NPC pinaagi sa pagpasar og resolution sa hunta probinsiyal nga moawhag sa ilang buhatan nga motabang sa pagpalambo sa linya sa kuryente  ilabi na sa distribution lines sa Isla sa Camotes.

Human sa pagpasar og resolution mopadala dayon ang NPC og mga personnel niini ngadto sa Camotes aron matun-an ang pagsulbad sa problema sa kuryente sa isla.

Ang pagtabang sa NPC subay usab kini sa hangyo ni Garcia kanila.

Ang NPC mao kini ang ni-supply og kuryente sa Isla sa Camotes samtang ang Camotes Electric Cooperative maoy distributor sa kuryente.

Apan sulod sa 28 ka tuig nahimong problema sa mga residente sa isla ang supply sa kuryente tungod kay wala ma-upgrade sa CELCO ang distribution lines niini gikan sa single phase ngadto sa three phase. /BDB (BANATNEWS)

NPC
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with