^

Banat Balita

Kabataan gisurpresa ni Kong. Radaza

Romeo T. Limpangog - Banat

CEBU, Philippines — Hilabihan ang gibating kahinangop sa mga bata sulod sa Home Care Center sa Barangay Gun-ob, Dakbayan sa Lapu-Lapu dihang gisurpresa ni Kongresista Paz Radaza sa pagbisita atol sa Pasko diin sila gidalitan sa makabuhong ug makalingaw nga Christmas Party.

Ang Christmas Party sa kabataan sa Home Care Center gipahigayon sa bag-o lang nga nahuman nga covered court sa maong lugar nga nakadasig kaayo sa mga bata nga nitambong.

Giubanan ang kabataan sa mga kawani sa City Social Welfare and Development Office (DSWDO) nga gipangulohan ni Ermelita Degamo.

Gikahimuot ni Radaza ang nagkalainlaing presentasyon nga gipakita nga talento sa mga bata sa Home Care sama sa pagsayaw ug pagkanta sa mga Paskohanong Awit.

Nunot niini si Radaza nidalit sab sa mga bata og lamian nga pagkaon uban sa nagkadaiyang matang sa prutas gawas sa gidala niyang mga gasa isip ilang pinaskohan.

Naandan na nga himoon ni Radaza ang pagpanghatag og pinaskohan sa kabataan sukad pa kaniadto nga siya pa ang mayor sa maong dakbayan.

Gilakip usab sa paghatag og pinaskohan ni Radaza ang tanang kawani ug mga staff sa DSWD.

“Malipayon kaayo ko nga nakabalik ko sa Home Care bisan pa man sa daghan nga appointment,” matud ni Radaza.

Ang Home Care Center for Children gipatukod ni Radaza niadtong mayor pa siya sa Dakbayan sa Lapu-Lapu.  “Love man gyud ni nako ang mga bata. Duol gyud ni sila sa akong dughan mao mo-make time gyud ko nga maka-celebrate og Christmas Party uban nila,” dugang pa niya. /GMR (BANATNEWS)

RADAZA

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with