CEBU, Philippines — Ang mga dinakpan nga ipaubos sa medical check-up diha sa Cebu City Medical Center (CCMC) dili na magpaabot og pipila ka oras sama kaniadto.
Giingong kaniadto ang mga dinakpan mohuwat pa pa og pipila ka oras una mapaubos sa medical check-up diha sa CCMC una sila isulod sa prisohan pagsiguro nga wala kini gipamati sa panglawas o physically fit kini.
Ang administrator sa CCMC Yvonne Feliciano nibutyag nga nagbutang sila og fast lane aron mapadali ang ilang serbisyo ug dili maghuwat og dugay ang mga dinakpan nga ipaubos sa medical check-up ug mga polis nga nakadakop kanila.
Matud ni Feliciano nga tinguha usab niya ang paghatag og maayong kalidad sa serbisyo ngadto sa katawhan. /BDB (BANATNEWS)