^

Banat Balita

Mga sidewalk sa N. Bacalso sa Talisay gihawanan

Gabriel C. Bonjoc - Banat

CEBU, Philippines — Gitangtang ug gisibog ang mga butang nga nakababag diha sa sidewalk sa dalan N. Bacalso habig sa Dakbayan sa Talisay.

Ang City of Talisay-Traffic Operation Development Authority (CT-TODA), task force ug kapolisan ang nipahigayon sa pagpanghawan.

Gitumbok ni Jonathan Tumulak, hepe sa CT-TODA ang Barangay Tabunok ug Bulacao nga dugokanan sa mga sakyanan hinungdan nga mao kini ang ilang giuna sa paghawan.

Matud ni Tumulak nga pasiuna kini sa ilang pagpatuman sa “no left turn” sugod sa alas 6:00 sa buntag hangtud sa alas 8:00 sa buntag dayon sa alas 5:00 sa hapon hangtud sa alas 7:00 sa gabii.

Si Edwin Nierves, pangulo sa task force uban sa iyang mga sakop ang nikarga sa mga butang nga nakababag diha sa sidewalk.

Samtang si Police Major Gerard Ace Pelare, hepe sa Talisay City Police Station uban sa iyang mga sakop ang nitabang usab sa gihimo nga kalihukan.

Matud ni Pelare nga ang ilang presensiya makita diha sa kadalanan aron mapugngan ang mga badlongon nga makahimo og krimen.

Sa laing bahin, si Tumulak niawhag sa katawhan nga kong nakainom og ilimnong makahubog dili na lang kini mo maneho sa ilang sakyanan aron malikayan ang aksidente.

Matud ni Tumulak nga niining panahona nagsunod-sunod ang mga party gumikan sa nagsingabot nga pasko ug bag-ong tuig.

Ug sa mga party naandan na nga aduna gyud kini inom.

“Mas maayo gyud nga i-check daan ang sakyanan. Pero kong makainom mas maayo nga dili mo-drive o ba kaha magkuyog og laing kauban nga dili mo inom aron maoy mo-drive para nimo”, pahimangno ni Tumulak. /BDB (BANATNEWS)

SIDEWALK

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with