CEBU, Philippines — Dugang 45 ka mga armas ang gitahan ngadto Cebu City Police Office (CCPO) City Mobile Force sa bukirang bahin sa Dakbayan sa Sugbo subay sa seryusong kampanya sa kapolisan batok sa loose firearms.
Matud ni CMFC Force Commander Police Lieutenant Colonel Randy Korret nga padayon ang ilang panawagan ngadto sa mga residente sa siyudad nga adunay gitip-igang mga armas sa pagpatahan niini kun wala kini legal nga dokumento. Sagad sa tag-iya sa mga armas nga ilang nakolekta mga sibilyan nga ilaha pang sinunod gikan sa mga apohan.
Nakuha sa Oplan Nickel mao ang tulo ka 9mm Black widow, 15 ka Cal. 38 revolver, usa ka unit sa Cal. 22 revolver, pito ka unit nga 357 revolver, usa ka 5.56 revolver frontier, usa ka 5.56 improvised pistol, usa ka 7.62 caliber improvised pistol, usa ka KG9 sub-machine pistol, usa ka.9 mm, usa ka AR 15 submachine gun, tulo ka.22 caliber rifle, usa ka US M1 Caliber 30 Garand Rifle, usa ka US M1 Caliber 30 Carbine, usa ka 7.62 Bolt Action Rifle , us aka 5.56 Bolt Action Rifle , usa ka Cal. 30 Bolt Action Rifle, duha ka .45 pistol ug usa ka 12-gauge shotgun .
Gawas sa nga armas aduna usab 2 ka granada ang gitahan ug 121 ka mga nagkalain laing bala. /IBM (BANATNEWS)