Mga kapitan nisuporta sa kapolisan sa Talisay
CEBU, Philippines – Nipadayag sa iyang kahangop ang hepe sa kapolisan sa Dakbayan sa Talisay sa gipakitang suporta kanila sa tanang kapitan sa kabarangayan sa siyudad.
Kini nakita ni Police Major Gerard Ace Pelare atol sa iyang unang pakighimamat sa tanang kapitan niadtong Miyerkules sa buntag.
Si Pelare nihatag sa iyang mensahe atol sa gipahigayong session sa Association of Barangay Council (ABC) diha sa Barangay Poblacion.
Matud ni Pelare nga ang maayo nga relasyon maoy dakong tabang aron maayo ang resulta sa ilang trabaho.
Gipahibawo usab ni Pelare ang 22 ka barangay kapitan sa ilang mga kalihukan.
Si Pelare niawhag sa mga kapitan nga mas palig-onon pa gyud ang Barangay Anti-Drug Abuse Council (BADAC) tungod kay mao kini ang prayoridad sa presidente sa nasud.
“Ang BADAC mao gyud role sa mga opisyal sa barangay nga naay proper reports and community base program”, dugang ni Pelare. /BDB (BANAT NEWS)
- Latest