Upat ka balay apektado sa sunog sa Naga

CEBU, Philippines – Gibana-banang nikabat ngadto sa P250 mil ang danyos sa sunog nga niulbo diha sa Sitio Chikos, Purok 1, Barangay Inoburan, Dakbayan sa Naga kagahapon sa kadlawon.

Upat ka panimalay ang apektohan sa maong sunog nga gipanag-iya nila ni Ramonito Deguma, Danilo Basalo, Virginia Bastimoso ug Lecel Ancero.

Hinuon walay gikataho o natala nga naangol sa nahisgutang insidente.

Ang alarma sa maong nasunog nadawat kini sa kabomberohan alas 4:26 sa kadlawon ug giisa kini sa second alarm alas 4:49 ug pagka-alas 5:15 nakontrolar ang kayo sa sunog ug hingpit kining napawong mga alas 5:27.

Ang kabomberohan sa Dakbayan sa Sugbo mopahigayon og follow-up nga imbestigasyon pagsuta sa hinungdan sa sunog. (/BDB)(BANAT NEWS)