‘Agri-Bonanza 2019’ gipahigayon
CEBU, Philippines — Gilusad sa kagamhanan sa Siyudad sa Sugbo pinaagi sa City Agriculture Department ang “Agri-Bonanza 2019” isip pagpasidungog ug pag-ila sa mga natampo sa mga mag-uuma sa ekonomiya.
Matud ni City Agriculturist Joelito Baclayon nga ang mga mag-uuma nakatampo og labing minus 30 porsyento sa merkado.
Ang kalihukan giapilan sa 28 ka bukirang barangay sa dakbayan diin dunay booth display contest, float parade contest, cooking contest, dance contest, ug flower arrangement contest.
“Nagkadugay nagkamaayo ang mga presentation,” matud ni Baclayon.
Ang mga mananaug alang sa booth contest makadawat og P75,000; P70,000 ug P50,000 alang sa grand winner, first runner-up ug second runner-up.
Ang mga mananaug alang sa float contest makadawat og P100,000; P75,000 ug P50,000 alang sa grand winner, first runner-up, ug second runner-up. (/GMR)(BANATNEWS)
- Latest
