15 ka pamilya nga biktima sa Yolanda nahatagan na og balay sa kagamhanan
CEBU, Philippines – Nikabat sa15 ka pamilya nga naapektohan kaniadto sa bagyong Yolanda sa Lungsod sa Tabuelan ang nakadawat na sa ilang certificate of awards sa ilang mga panimalay nga nahimutang diha Olivo Heights sa maong lungsod.
Niadtong Huwebes sa buntag nga mao ang ikaunom ka tuig nga kasumaran sa pag-igo sa bagyong Yolanda ang buhatan sa National Housing Authority nipahigayon sa ceremonial turnover.
Si Cabinet Secretary Carlo Nograles ug Tabuelan Vice Mayor Raul Gerona ang nitambong niini.
Si Nograles malaumon nga makompleto nila ang tanang housing project sa tuig 2020 aron mahatag na kini nila sa mga beneficiary.
Gipaabot nga sa sunod tuig mahatag na ang tanang mga panimalay kong anaa na ang certificate of title.
Ang mga beneficiary dili makabaligya niini kong dili moabot og 20 ka tuig ang masakpan nga mobaligya sa ilang unit dili na maka-avail sa housing project sa NHA matud ni Constancio Atiniero, district manager sa NHA sa Cebu district office. (/BDB)(BANAT NEWS)
- Latest