Babaye napasok sa tourist van patay
CEBU, Philippines — Napasaok sa ilawom sa tourist van ang usa ka 47-anyos nga babaye kagahapon sa sa buntag sa Barangay Talisay lungsod sa Santander.
Giila ang biktima nga si Dolores Bustillo nga taga Barangay Bunalan sa maong lungsod. Matud ni Police Lieutenant Warlito Toñacao nga paingon unta sa Moalboal ang tourist van gikan sa lungsod sa Oslob apan pag-abot sa Barangay Talisay nilabang si Bustillo.
Pag-abot sa center lane ni Bustillo, kalit kini nga miatras atol sab nga milihay unta ang van nga gimaneho ni Llyod Loven Sumalinog nga taga Barangay Cabalawan sa Lungsod sa Sogod. Giklaro usab ni Toñacao napasok sa ilawom sa van ug naguroy kini 10 metros sa karsada hinungdan sa grabeng kadaut sa kalawasan niini ug namatay dihadiha.
Kasamtangan nga gitangong sa Santander Police Station si Sumalinog samtang gipaabot ang banay ni Bustillo kung mopasaka og kaso. (/IBM)(BANATNEWS)
- Latest