CEBU, Philippines — Mga dagway sa mga notadong tulisan ug kawatan ang gipapilit atubangan sa mga menteryo sa Dakbayan sa Talisay aron magmatngon ang katawhan bahin kanila. Si Police Major Gerard Ace Pelare, pangu sa Talisay City Police Station nibutyag nga mas maayo nang makabantay nang daan ang katawhan sa ilang likayan nga mga dagway. Gawas pa sa mga dagway sa mga kriminal ila sab nga gipaskin ang mga butang nga gipangdili sulod sa sementeryo sama sa hait nga hinagiban, ilimnong makahubog, butang nga makasaba-saba, butang gamiton sa sugal ug uban pa.
Gani buntag pa lang aduna na silay nakompiska nga mga hait nga hinagiban nga daw gamiton sa mga tawo aron sa pagpanglimpyo sa mga nitso sa ilang minahal sa kinabuhi. Miabot sa 150 ka police ug mga force multipliers sama sa mga tanod ug anti-crime volunteers ang gipakatap sa tulo ka pampubliko ug duha ka pribadong sam-ang. (IBM)(BANATNEWS)