P136 Milyon ang nadagit sa mga tulisan
Romeo Limpangog, Rowena D. Capistrano (Banat) - October 22, 2019 - 12:00am

CEBU, Philippines — Kapolisan duna nay mga pangalan sa upat ka mga  gidudahang tulisan nga nakaikyas human sa pagtulis sa mga pawnshops ug money changers sa suds a mall sa Barangay Bakilid, Dakbayan sa Mandaue niadtong Sabado sa gabii.

Kini ang gitug-an sa Deputy Regional Director for Administration Police Col. Ildibrandi Usana sa press conference kagahapong adlawa. Matud niya ang ilang gipangita naila palang sa mga pangalan nga Mark, Ryan, Tony Boy, ug Ranger.

Ang maong upat ka mga suspetsado maoy gituohan nakadala sa dili mominos P130 milyones nga kantidad sa mga alahas ug P6 milyones nga cash  nga nadala base sa gihimong imbestigasyon sa grupo ni Police  Captain Marvin Fegarido nga maoy hepe sa Presinto 2  sa MCPO.

Sumala pa ni Usana dako ilang pagtuong wala pa nakabiya sa Sugbo ang upat ilabi na nga gipahugtan na ang pagbantay sa mga exit points sugod pa niadtong Sabado pagkahuman sa nahitabo.

Samtang ang mga private security personnel nga naka-duty atol sa pagkahitabo giisip karon nga mga persons of interest ug gikatakdang ipatawag alang sa nagpadayong imbestigasyon.

Susihon sab kun duna silay lapso nganong nakasulod ug wala nila mapakgang ang mga tulisan.

Nahibulong si Usana nga estrikto ang mga security guard apan nganong adtong panahona nakalusot man ang gibanabanang 13 ngadto s 15 ka mga armadong tawo sa ilang gibantayang mall.

Giangkon ni Usana nga wala nila gisalikway ang posibilidad nga inside job ang nahitabo.

Dugang pa ni Usana ang maong grupo konektado sa dakong grupo sa mga tulisan nga nakabase sa Ozamis City.

Ang hot pursuit operation naabot didto sa Dakbayan sa Bogo nianang pagkagabii  diin nasikop ang lima ka mga suspek apan napatay sab ang upat nila ka mga kauban apil ang giingong lider.

Ang nakalas naila nga sila si Kevin Andales, Wilfredo Enguito, Philip Faburada, ug Glen Tairos nga giingong lider sa maong grupo.

Samtang ang nasikop naila nga sila si Roel Sumingit, 35 nga taga Tangub City, Misamis Occidental; Jun Candelaria, 38,nga taga Naga City  sa Bicol; Julivt Quirante, 43, nga taga  Tangub City, Misamis Occidental; Arnel Cimafranca, 38, nga taga Tangub City, Misamis Occidental ug James Gomez, 44,  nga taga Ozamis City, Misamis Occidental.(BANAT NEWS)

MILYON
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with