Nasayran nga niadtong Lunes gitapos ang voter’s registration diin sa Cebu City gihimo nila kini sa usa ka mall nga gidagsa gyud sa mga aplikante nga gustong magparehistro. Sa katapusang adlaw sa voter’s registration niabot sa 1,129 ang narehistro nga mga aplikante sa north district samtang 1,548 usab sa south district sa Cebu City.
Andy Zapata Jr./File
Kapin 40 mil nadugang sa botante sa Cebu City
Decemay P. Padilla (Banat) - October 2, 2019 - 12:00am

CEBU, Philippines – Gihulagway sa Commission on Elections Cebu City nga taas ang turn out sa voter’s registration karon.

Nasayran nga niadtong Lunes gitapos ang voter’s registration diin sa Cebu City gihimo nila kini sa usa ka mall nga gidagsa gyud sa mga aplikante nga gustong magparehistro. Sa katapusang adlaw sa voter’s registration niabot sa 1,129 ang narehistro nga mga aplikante sa north district samtang 1,548 usab sa south district sa Cebu City.

Kahinumduman nga nagsugod sa Agosto 1 ang voter’s registration ug gikan sa maong petsa hangtud sa petsa 30 sa Septiyembre niabot sa 17,103 ang registered applicants sa north district samtang 23,470 sa south district diin sa kinatibuk-an niabot tanan og 40,573.

“Definitely mas taas ni compared sa previous nato nga application merely because mas intensive ang atoang information dissemination as to the voter’s registration,” sigun ni Election Assistant Omar Sharif Mamalinta.

Matud ni Mamalinta nga magdepende sa Comelec Manila kun dunay extension sa voter’s registration apan sa pagkakaron wala una’y lugway nga mahitabo.

“Modepende if May 11, 2020 Barangay and SK Election will push through so most probably seguro mga pila ka months ana after elections naa na pud tay ipahigayon nga voter’s registration,” dugang ni Mamalinta. (/GMR)(BANAT NEWS)

VOTERS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with