Senior citizens, nasunogan nakadawat og hinabang
Mary Ruth Malinao (Banat) - September 21, 2019 - 12:00am

CEBU, Philippines — Ang 75, 865 ka rehistradong senior citizens sa Dakbayan sa Sugbo ang mamahimo nang mokuha sa ilang P3,000 nga pinansiyal nga tabang karong adlawa.  

Ang Office of the Senior Citizen Affairs (OSCA) nipagawas na kini og guidelines alang sa pag-apod-apod sa pinansyal nga tabang. Matud sa hepe sa OSCA, Domingo Chavez nga gidili ang paggamit og special power of attorney ug authorization letter sa pagkuha sa pinansyal nga tabang ug kinanghanglan usab ang orihinal nga senior citizen’s ID. Ang mga senior citizen nga dili na makagahom sa paglakaw ang mga opisyal sa tagsa-tagsa nila ka barangay ang mohatud sa ilang pinansiyal nga tabang.

Ang mga senior citizen makakuha kini sa ilang pinansiyal nga tabang sulod sa “10 working days” o hangtud sa Oktubre 4 gikan sa alas 8:00 sa buntag hangtud sa alas 3:00 sa hapon. 

Sa laing bahin, nikabat ngadto sa P570,000 ang pinansiyal nga hinabang nga gihatag  sa Philippine  Charity  Sweepstakes Office (PCSO)  ngadto  sa mga biktima sa sunog  sa  Barangay  Ibo,  Dakbayan  sa Lapu-Lapu. Si  PCSO General  Manager Royina  Garma maoy nitunol  sa maong hinabang pinansiyal ngadto sa mga biktima sa sunog diin girepresentahan kini ni Mayor  Junard  Ahong Chan uban  ni Ibo Barangay  Captain  Josephine  Cahilog.

Sa pagpamulong ni Garma giawhag niya ang mga residente sa lugar nga molikay sa pakiglambigit sa ginadiling drugas ug sa pagpapalit og ticket sa lotto anha lang sa mga accredited sa PCSO.

Sa iyang bahin, si Chan nagpasalamat sa hinabang nga nadawat sa mga molupyo sa lugar. Si Chan nisaad nga butangan og dalan ang lugar nga nasunogan aron maagian og sakyanan hinungdan nga gipaubos kini sa re-blocking.

Samtang sa Dakbayan sa Mandaue gipangulohan ni Mayor  Jonas  Cortes ang paghatag og pinansiyal nga hinabang sa mga biktima sa sunog  sa  Barangay Tipolo.

Sa nasayran P10,000 nga pinansiyal nga hinabang ang gihatag sa siyudad sa mga tag-iya og panimalay nga nasunog ug P5,000 usab ang nadawat  sa mga boarder o renter og panimalay. (Romeo T.  Limpangog/BDB)(BANATNEWS)

SENIOR CITIZENS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with