CEBU, Philippines — Nakadawat og tagsa ka baboy ug lawog ang unom ka mga purok sa Barangay Tapul, Dakbayan sa Talisay niadtong miaging adlaw.
Si Mayor Gerald Anthony “Samsam” Gullas Jr. maoy nangunay sa paghatud niini ngadto sa mga lider sa mga purok.
Ang maong proyekto kabahin kini sa mga livelihood program sa City Agriculture Office nga gihatagan og pagtagad sa mayor. Ang mga purok officials maoy mopadaku sa mga baboy ug pasanayon aron ikapaambit sa ilang mga miyembro sa umaabot nga mga buwan.
Si Konsehal Antonio Bacaltos, ang tsirman sa Committee on Agriculture sa siyudad mipadayag sab sa iyang suporta sa maong programa.
Daku ang pasalamat ni Kapitan Mary Ann Nolasco ngadto sa mayor ug mga opisyales sa paghatag og pagtagad sa ilang mga konstituwente.
Gipaabot usab ni Rolando Iligin usa ka Purok Official sa barangay ang iyang pasalamat ug misaad nga amumahon gyud nila ang mga baboy isip pagpalambo sa isa ilang mga purok.
Gawas sa baboy ug feeds, gihatagan sab sila og vitamins aron masiguro ang kahimsog sa baboy mga baboy sa ilang pagdaku. (/DILT)(BANATNEWS)