Si Sinas kinsa miadto sa nahitaboan niadtong Biyernes diin nahitabo ang pagbanhig ug pagpatay kanila ni Police Corporal Relebert Beronio, Patrolman Raffy Callao, Patrolman Ruel Cabellon, and Patrolman Marquino de Leon.
File
4 polis, gi-torture ayha pa gipamatay
Raffy T. Cabristante (Banat) - July 22, 2019 - 12:00am

CEBU, Philippines — Gibanhigan, gigapos, gi-torture, ug gipusil. Mao kini ang nahiagoman sa upat ka polis sa kamot sa mga giingong sakop sa New People's Army (NPA) niadtong Huwebes sa Sitio Yamot, Barangay Mabato sa lungsod sa Ayungon, Negros Oriental sumala pa ni Police Regional Office (PRO)-7 director Brigadier General Debold Sinas.

Si Sinas kinsa miadto sa nahitaboan niadtong Biyernes diin nahitabo ang pagbanhig ug pagpatay kanila ni Police Corporal Relebert Beronio, Patrolman Raffy Callao, Patrolman Ruel Cabellon, and Patrolman Marquino de Leon.

Gibutyag sab ni Sinas nga nakita sa medico legal nga gi-torture gyud ang upat ka polis. Nakita sa autopsy nga nabali ang gusok sa usa sa mga biktima ug base sa bullet trajectory ug sa mga samad sa mga polis nagluhod sila sa dihang gipamusil.

Matud pa ni Sinas nga matawag nga usa ka "summary execution" ang gibuhat ngadto sa mga sakop sa Regional Mobile Force Battalion-7 nga nadestino sa Sitio Nabingka, Barangay Mabato sa Ayungon.

Atol ning pagsuwat sa balita  gipaabot nga bisitahon ni Presidente Rodrigo Duterte ang haya sa upat ka polis sa Negros Oriental Provincial Police Office-Camp Francisco Fernandez Jr. sa lungsod sa Sibulan aron ipadangat ang iyang pahasubo sa ilang mga kabanay.

Kauban niya sila si Philippine National Police chief General Oscar Albayalde, Education Secretary Leonor Briones, ug DILG Secretary Eduardo Año.  Gipasidunggan ni Duterte ang upat ka polis pinaagi sa paghatag kanila sa Order of Lapu-Lapu with Rank of Kalasag. (/IBM)(BANATNEWS)

 

DEAD
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with