CEBU, Philippines – Patay ang usa ka 26-anyos nga lalaki human kini pusila sa wala mailhing kriminal samtang nagpaabot sa salidang Probinsiyano diha gawas sa usa ka bilyaran sa Katipunan Street, Barangay Labangon, Dakbayan sa Sugbo niadtong Huwebes sa gabii.
Ang biktima mao si Jason Alonso, hingkod ang panuigo ug residente sa maong lugar.
Base sa imbestigasyon sa kapolisan sa Labangon Police Station nga nag-atang ang biktima sa salida nga Probinsiyano dihang kalit kining giduol sa mamumuno ug gipusil sa dughan.
Giingong si Alonso nakadagan pa kini human sa pagpusil kaniya apan nahagba kini sa pipila ka metros.
Si Alonso patay na nga nadangat ngadto sa tambalanan. Ang kapolisan nagpahigayon og follow up nga imbestigasyon sa hitabo. (/BDB)(BANAT NEWS)