CEBU, Philippines – Mihatag og direktiba si Cebu City Mayor Edgardo Labella ngadto ni City Administrator Atty. Floro Casas nga makigtagbo sa tanang concerned stakeholders sa dili pa mobalik ang operasyon sa night market.
Gusto niya ipaneguro nga ang operasyon sa night market han-ay ug wala’y monopoliya sa pagpadagan.
“It is my position that stakeholders must be given an opportunity, no one should take advantage of the other stakeholders, so I’m tasking Atty. Casas to sit down with the stakeholders before we resume”, matud ni Labella.
Ang kasamtangang administrasyon gusto nga ihan-ay ang tanan sa dili pa ang implementasyon sa night market nga programa sa kagamhanan sa siyudad sa pila na ka tuigan.
Lakip sa tukion ang street vending policies, contributions sa panudlanan sa gobyerno ug uban pang hisgutanan.
“I do not want that one or some will monopolize, it should be every stakeholder will be fairly given an opportunity”, ni Labella pa. —/LPM (BANAT NEWS)